विभागले राखेको नयाँ सर्भरमा समस्या आएको र पुरानो सर्भरबाट काम चलाउदा करदातालाई दिने सुविधा प्रभावित बताएको छ । ‘छिटो छरितो काम गर्नको लाई नयाँ सर्भर जोडिएको हो, तर त्यसमै ठूलो समस्या देखिँदा पुरानो सर्भरबाट काम चलाइएको छ । पुरानो सर्भर पनि राम्रोसँग नचल्दा समस्या भएको हो,’ एक कर अधिकृतले मेरोलगानीसँग भने ।
उनका अनुसार कर अधिकृतहरुले पटक पटक यो गुनासो विभागलाई सुनाउँदा पनि चासो नदिएको बताए । ‘सेवाग्राहीको अगाडि हामी पर्नु पर्छ र उनीहरुले हामीसँग आक्रोस पोखिरहेका छन् । तर, हामी केही गर्न सक्दैनौ । हाम्रो गुनासोलाई विभागका हाकिम सावहरु काम हुँदैछ भनेर टारिदिन्छन्, त्यसको मारमा करदाता मात्र होइन, हामी पनि परिरहेका छौ,’ उनले भने ।
आन्तरीक राजस्व विभागका अधिकारीहरु नयाँ सर्भरमा अनावश्यक फाइलहरु धेरै अपलोड गरिएकोले समस्या आएको हो । ‘फाइलहरु हटाएर समस्या समाधानका लागि प्रयास भैरहेको छ, छिट्टै समस्या समाधान हुनेछ,’ उनको भनाइ छ ।
