चालु आर्थिक वर्षको पुस मसान्तसम्ममा कम्पनीले १ करोड १५ लाख रुपैयाँ खुद नाफा आर्जन गरेको छ। गत आर्थिक वर्षको अन्त्यसम्ममा कम्पनीले ३० करोड २७ लाख रुपैयाँ नाफा कमाएको थियो।
दोस्रो त्रैमासको अन्त्यसम्ममा कम्पनीको खुद आर्जित बीमाशुल्क ११ करोड ८७ लाख रुपैयाँ रहेको छ भने कुल आम्दानी १५ करोड ३ लाख रुपैयाँ रहेको छ। त्यस्तै, कम्पनीको कुल दाबी भुक्तानी ८ करोड २७ लाख रुपैयाँ र कुल खर्च १३ करोड ८७ लाख रुपैयाँ रहेको छ।
५२ करोड ५० लाख रुपैयाँ चुक्ता पूँजी रहेको यस कम्पनीको महाविपत्ती कोषमा १३ लाख ५१ हजार रुपैयाँ, रिटन्ड अर्निङ्गमा ७७ लाख ८४ हजार रुपैयाँ र अन्य इक्विटीमा ३३ लाख ५८ हजार रुपैयाँ रहेको छ। सो अवधिसम्ममा कम्पनीको प्रतिशेयर आम्दानी ४ रुपैयाँ ४१ पैसा रहेको छ।
