ट्रम्पले बेलायती प्रधानमन्त्री केयर स्टारमरसँगको पत्रकार सम्मेलनमा उक्त घोषणा गरेका हुन् । उनले बग्राम हवाई अड्डा चीनको सिनजियाङबाट नजिक रहेको र उस्ले त्यहाँ आणविक हतियार निर्माण गरिरहेको दावी गर्दै त्यो जसरी पनि नियन्त्रणमा लिने घोषणा गरे । ‘चीनको सिनजियाङबाट एक घण्टाको सडक दूरीमा रहेको यो रणनीतिक महत्वको हवाई अड्डालाई अमेरिका छिट्टै नियन्त्रणमा लिने’ उनले घोषणा गरे ।
अफगानिस्तानको राजधानी काबुलबाट लगभग ४० किलोमिटर टाढा रहेको यो अड्डा अफगानिस्तान गृहयुद्धमा परेको समयमा केही वर्ष अमेरिकी नियन्त्रणमा थियो । सन् २०२१ मा अमेरिकी सैनिकले अफगानिस्तान छोडेपछि उक्त हवाई अड्डा स्वतः अफगानिस्तानको नियन्त्रणमा पुगेको थियो ।
चीनको कडा प्रतिक्रिया
चीनले ट्रम्पको भनाइप्रति कडा आपत्ति जनाएको छ। चिनियाँ विदेश मन्त्रालयले यस्ता कार्यहरूले तनाव बढाउने र क्षेत्रमा अस्थिरता सिर्जना गर्ने बताएको छ। बेइजिङले जोड दिएको छ कि अफगानिस्तानको भविष्य र सुरक्षा बाह्य सैन्य हस्तक्षेपबाट होइन, आफ्नै जनताले निर्णय गर्नुपर्छ।
विदेश मन्त्रालयका प्रवक्ता लिन जियानले भनेका छन्—चीनले अफगानिस्तानको क्षेत्रीय अखण्डता र सार्वभौमिकताको सम्मान गर्दछ। क्षेत्रमा तनाव भड्काउनुले कसैको उद्देश्य पूरा गर्दैन। अमेरिकाले त्यस्तो प्रयास गर्यो भने हामीले सहन सक्ने छैनौं ।
अफगानिस्तानले पनि ट्रम्पको प्रस्तावलाई सिधै अस्वीकार गरेको छ । विदेश मन्त्रालयका अधिकारी जाकिर जलालले सामाजिक सञ्जालमा भनेका छन् कि काबुल अमेरिकासँग वार्ता गर्न तयार छ, तर कुनै पनि परिस्थितिमा अमेरिकी सेनालाई अफगानिस्तानमा आधारहरू पुनस् स्थापना गर्न अनुमति दिइने छैन । उनले भनेका छन—अफगानिस्तान र अमेरिकाले पारस्परिक सम्मान र साझा हितमा आधारित राजनीतिक र आर्थिक सम्बन्ध अगाडि बढाउनुपर्छ, तर कुनै पनि भागमा अमेरिकी सैन्य उपस्थिति सहन गरिने छैन ।
व्यापार युद्धका कारण अमेरिका र चीन बीच तनाव कायम रहेकै बेला बाग्राम हवाई अड्डा कब्जामा लिने ट्रम्पको घोषणा र त्यस्तो प्रयास गरिए सहन नसक्ने चीनले तत्कालै दिएको कडा जवाफले दुर्य देशबीचको तनाव फेरि बढ्न सक्ने देखिएको छ । कतिपय विश्लेषकहरुले अमेरिकाले त्यस्तो प्रयास गरे, त्यसलाई रोक्न चीनले पनि अमेरिकामाथि सैन्य कारवाही गर्न सक्ने र दुई देशबीच युद्ध भड्किन सक्ने आसंका गरेका छन् ।
