उनको यो भनाइ इरानले क्रान्तिको विजयको उपलक्ष्यमा बुधवार देशव्यापी र्यालीको तयारी गरिरहेका बेला आएको हो । ‘जबसम्म शत्रु निराश हुँदैन, तबसम्म एउटा राष्ट्र उत्पीडनको जोखिममा रहन्छ’ खामेनीको भनाइ छ । यो भाषण मध्य पूर्वमा अमेरिकी सैन्य तैनाथी र तेहरानविरुद्ध जारी धम्कीका कारण अमेरिकासँगको बढ्दो घर्षणको समयमा आएको हो ।
ओमानको मस्कटमा शुक्रवार इरानी र अमेरिकी प्रतिनिधिमण्डलबीच भएको अप्रत्यक्ष आणविक वार्ताका बाबजुद ठूला मतभेदहरू कायमै छन् । जसले सम्झौताको सम्भावनालाई अनिश्चित बनाएको छ ।
सन् १९७९ को इस्लामिक क्रान्ति एक निर्णायक क्षण थियो जसले इरानलाई पश्चिम समर्थक राजतन्त्रबाट इस्लामिक गणतन्त्रमा परिवर्तन गर्यो । आयतोल्लाह रुहोल्लाह खोमेनीको नेतृत्वमा धर्मगुरु, विद्यार्थी र धर्मनिरपेक्ष कार्यकर्ताहरूको विविध गठबन्धनले अमेरिका समर्थित शाह मोहम्मद रेजा पहलवीलाई सत्ताच्युत गरेको थियो। सन् १९८० मा इरानी जनताले तेहरानस्थित अमेरिकी दूतावास कब्जा गरेपछि इरान र अमेरिकाले कूटनीतिक सम्बन्ध विच्छेद गरेका थिए ।
