दशैंका बेला गाडी खरिद गर्दा विभिन्न अफर तथा छुट पाइने हुँदा पनि आम ग्राहकले गाडी किन्ने सिजन दशैं नै पर्खिरहेका हुन्छन् ।
दशैंमा गाडी किन्ने सोचले बसेका ग्राहकले अहिले बजारमा आएका विभिन्न ब्रान्डका नयाँ गाडीहरु खरिद गर्न सक्छन् । यसअघि नाइमा मोबिलिटी एक्स्पो २०२५ र नाडा अटो शो २०२५ का अवसरमा पनि विभिन्न कम्पनीहरुले नयाँ गाडीहरु सार्वजनिक गरिसकेका छन् ।
अटो मेलामा मात्र होइन् अरु समयमा पनि ग्राहकले नयाँ गाडीको बुकिङ गर्न सक्छन् । हुन त विभिन्न अटो कम्पनीहरुले पनि दशैं आउनुभन्दा अघि देखि नै नयाँ ब्रान्डका सवारीहरुको बिक्री खुला गरेका थिए ।
दशैंमा किन्न सकिने नयाँ मोडलका गाडी र त्यसको मूल्य निम्न छनः
प्रोटोन कम्पनीले जगदम्बा मोटर्समार्फत नेपालमा मास ७ इलेक्ट्रिक गाडी सार्वजनिक गरेको छ । जसको प्राइम मूल्य ५६ लाख ९९ हजार रुपैयाँ देखि प्रिमियम गाडीको मूल्य ६७ हजार ९९ हजार रुपैयाँ कायम गरिएको छ ।
त्यस्तै, एसपीजी अटोमोबाइल्स कम्पनीले नाइमा मोबिलिटी एक्स्पो २०२५ मा सार्वजनिक गरेको जाइको जे–५ नामको प्रिमियम एसयूभी सार्वजनिक गरेको थियो । जसको मूल्य ५६ लाख ९९ हजार देखि ६० लाख ९९ हजार रुपैयाँसम्म पर्छ ।
त्यस्तै, बीवाइडीले अट्टो–१ दुईवटा भेरियन्टमा सार्वजनिक भएका छन् । बिवाइडी डाइनेमिक इभीको मूल्य २८ लाख ९५ हजार रुपैयाँ र प्रिमिय इभीको मूल्य ३२ लाख ९९ हजार रुपैयाँ पर्छ ।
त्यस्तै, हुन्डाइ नेपालले क्रेटा इलेक्ट्रिक गाडी समेत सार्वजनिक गरेको छ । क्रेटा इलेक्ट्रिक एक्सक्लूसिभ ५१ लाख ५६ हजार रुपैयाँ र क्रेटा इलेक्ट्रिक प्रिमिय गाडीको मूल्य ५९ लाख ५६ हजार रुपैयाँमा खरिद गर्न सकिन्छ ।
त्यस्तै, दीपालको एसजेरो ५ इभी पनि केही महिनाअघि सार्वजनिक भएको गाडी हो । जसको मूल्य टप भेरियन्टको ५६ लाख ९९ हजार रुपैयाँ पर्छ ।
त्यसबाहेक दशैंमा आम ग्राहकले महिन्द्रा बीई–६ इभी, डोङफेङ्ग फर्थिङ फ्राइडे इभी, म्यासस मिफा ७ इभी, सनलङ इलेक्ट्रिक माइक्रो भ्यानलगायत अन्य नयाँ ब्रान्डका गाडीहरु समेत खरिद गर्न सक्नेछन् ।
