भिजिट भिसामा विदेश जानेहरूले अब अध्यागमनमा कम्तीमा ६ महिना वैध अवधि भएको राहदानी र सम्बन्धित देशको भिसा देखाउनुपर्नेछ । अन अराइभल भिसा प्राप्त हुने मुलुक भए भिसा देखाउन नपर्ने विभागले जनाएको छ ।
यस्तै, भिजिट भिसामा विदेश जानेले अध्यागमनमा प्रस्थान गर्ने गन्तव्यसम्मको हवाई टिकट देखाउनुपर्नेछ । आफू कुन प्रयोजनका लागि भ्रमणमा जान लागेको, सोको लागि आवश्यक कागजात साथमा रहेको र यसबाट सिर्जित परिणाममा स्वयं जिम्मेवार रहनेसमेत व्यहोराको प्रस्थान गर्ने व्यक्तिले गरेको स्वःघोषणा अध्यागमनमा देखाउनुपर्ने विज्ञप्तिमा उल्लेख छ।
विभागले विज्ञप्तिमा ०८० माघ १० देखि लागु भएको छ बुँदे मापदण्डलगायत यसअघि विभिन्न समयमा जारी गरिएका भिजिट भिसासम्बन्धी प्रावधानहरू आजैदेखि खारेज भएको जनाएको छ । गृह मन्त्रालयका ०८२ कात्तिक १३ गतेको मन्त्रीस्तरीय निर्णयबाट भिजिट भिसामा प्रस्थान गर्दा चार थरी कागजात पेस गरेमा प्रस्थान अनुमति दिने गरी निर्णय भएको विभागले बताएको छ ।
