प्रदेश सरकारको 'सरकारी कामकाजको भाषा सम्बन्धी दिवस' को अवसरमा यो बिदा दिइएको हो। बागमती प्रदेशले नेपाल भाषा र तामाङ भाषालाई प्रदेशको सरकारी कामकाजको भाषाको रूपमा लागू गरेको ऐतिहासिक दिनको स्मरणमा यो दिवस मनाउन लागिएको हो।
मन्त्रालयका अनुसार, बागमती प्रदेश राजपत्रको खण्ड ९, संख्या ९, भाग ३ मा २०८० साल चैत २३ गते प्रकाशित सूचना बमोजिम वैशाख २४ गतेलाई भाषा दिवसको रूपमा मनाउने र सार्वजनिक बिदा दिने निर्णय पहिले नै भइसकेको थियो। सोही निर्णय अनुसार भोलि प्रदेशभरका सबै सरकारी कार्यालय, शैक्षिक संस्था र सार्वजनिक निकायहरूमा बिदा लागू हुनेछ।
मन्त्रालयका नवौँ तहका अधिकृत पदम ओझाद्वारा हस्ताक्षरित सूचनामा बागमती प्रदेशका १३ वटै जिल्लामा यो बिदा प्रभावकारी हुने उल्लेख छ।
