शुक्रबार प्रतिनिधि सभामा आर्थिक विधेयकमाथि सांसदहरुको प्रश्नको जवाफ दिँदै अर्थमन्त्री डा. स्वर्णीम वाग्लले ५० युनिटभन्दा बढी विद्युत् खपत गर्ने ग्राहकलाई भ्याट लगाउने निर्णयको चौतर्फी आलोचना भएकाले त्यसमा सरकारले पुनर्विचार गरेर आर्थिक विधेयकमा परिमार्जन गर्ने बताएका हुन् ।
उनले सरकारले ५० युनिटभन्दा सय या डेढ सय युनिट विद्युत् खपत गर्नेलाई मात्र भ्याट लगाउने गरी आवश्यक तयारी र अध्ययन गरिरहेको बताए । ‘५० युनिटसम्म त निःशुल्क नै छ । सय वा १५० युनिटसम्मलाई कर लगाउने गरी अध्ययन भइरहेको छ ।’ उनले भने, ‘साउन १ गते अघि नै हामीले त्यसलाई परिमार्जन गरेर जान्छौं ।’
