बाढी प्रभावित, तिनका आफन्त वा सरोकारवालाले घरमै बसेर डिजिटल माध्यमबाटै राहत तथा उद्धारका लागि अनलाइन अनुरोध (Request) पठाउन सक्ने प्रविधि तयार पारिएको छ।
नयाँ प्रणालीमार्फत कुन स्थानमा कसलाई के-कस्तो सहयोग (खाद्यान्न, औषधि, अस्थायी त्रिपाल वा प्राविधिक उद्धार) आवश्यक छ भन्नेबारे सोझै सम्बन्धित निकाय तथा उद्धार टोलीलाई विवरण पठाउन सकिनेछ। यसले गर्दा प्रभावित क्षेत्रमा राहत सामग्रीको दोहोरोपन हट्ने र वास्तविक पीडितसम्म द्रुत गतिमा सहायता पुग्ने विश्वास लिइएको छ।
रसुवा जिल्लामा बाढी र पहिरोका कारण ठूलो जनधनको क्षति भएको छ। क्षेत्रगत विकटता र यातायातका पुलहरू ध्वस्त भएका कारण भौतिक रूपमा पुग्न कठिन भइरहेको अवस्थामा यो अनलाइन प्रणालीले राहत तथा उद्धार कार्यलाई थप व्यवस्थित र प्रभावकारी बनाउन महत्त्वपूर्ण सहयोग पुर्याउनेछ।
यो प्रणालीलाई सेतु र्यापिड (https://setu.ndrrma.gov.np) नाम दिइएको छ ।
