नयाँ नोटको अगाडिको मध्य भागमा सगरमाथाको चित्र छ। दायाँ भागमा लालीगुराँसको फूल आकारको पानी छाप र बायाँ भागमा ‘५०’ अंकको पानी छाप राखिएको छ। नोटमा गभर्नरको दस्तखतसँगै विक्रम संवत् २०८२ उल्लेख गरिएको छ।
नोटको सुरक्षाका लागि १.२ मिलिमिटर चौडाइको सुरक्षा धागो राखिएको छ। उक्त धागोमा विशेष सुरक्षा प्रणालीमार्फत विभिन्न संकेत देखिने व्यवस्था गरिएको छ।
नोटको पछाडिको भागमा हिउँ चितुवाको चित्र राखिएको छ। त्यस्तै, नेपाल राष्ट्र बैंकको अंग्रेजी नाम तथा ५० रुपैयाँ जनाउने शब्द र प्रकाशन वर्षसमेत उल्लेख गरिएको छ।
राष्ट्र बैंकले नयाँ नोट चलनचल्तीमा आएपछि यसअघि जारी गरिएका ५० रुपैयाँ दरका नोट पनि यथावत रूपमा चलनचल्तीमा रहने स्पष्ट पारेको छ।
