लगानीकर्ताको एक समुहलाई विहिबार मन्त्रालयमा बोलाएर अर्थमन्त्रालयका वरिष्ठ आर्थिक सल्लाहकार सूर्य थापाले पूँजी बजारको विकास र विस्तारको लागि आफूहरु गंभिर रहेको बताउंदै त्यसको लागि लगानी सम्मेलन पछि छलफल गरी आवश्यक निर्णय लिने प्रस्ताव राखेका थिए ।
उनले अर्थमन्त्रालय र सिंगै सरकार लगानी सम्मेलनको तयारीमा व्यस्त रहेकोले यसबारेमा अहिले थप छलफल र निर्णय गर्न गाह्रो हुने कुरालाई बुझिदिन आफूहरुसंग अनुरोध गरेको लगानीकर्ता उपेन्द्र पाठकले जानकारी दिए ।
पाठकका अनुसार लगानीकर्ताहरुले भने समस्या समाधानको लागि सरकारको तर्फबाट अहिले नै ठोस प्रतिवद्धता आउनु पर्ने कुरा दोहोर्याउंदै त्यसो नभए लगानी सम्मेलनकै अवसरमा भद्ररुपमा विरोध प्रदर्शन गर्ने चेतावनी दिएका छन् ।
उनीहरुसंग अर्थमन्त्री वर्षमान पुनले भने भेटघाट गरेनन् ।