संघका अध्यक्ष बद्री केसीले जारी गरेको विज्ञप्तिमा २०८१ मंसिर ६ गते धितोपत्र निष्काशन तथा बाँडफाँड (आठौँ संशोधन) निर्देशिका, २०८१ लाई नेपाल धितोपत्र बोर्डले स्वीकृति प्रदान गरी शेयर आवेदन सम्बन्धी व्यवस्था गरेको र नेपाल राष्ट्र बैंकले जारी गरेको निर्देशिकाबाट थप सहजीकरण गरेबाट गैरआवासीय नेपालीहरु अत्यन्त उत्साहित भएको उल्लेख गरिएको छ ।
विज्ञप्तिमा नयाँ व्यवस्थाबाट विश्वभरिका गैरआवासीय नेपालीहरुलाई नेपालको विकासमा सहभागी हुन तथा आफ्नो ज्ञान, सीप र पूँजी नेपालमा भित्र्याउन सहज वातावरण निर्माण भएको उल्लेख गर्दै फण्डलाई व्यापक रुपमा विस्तारका लागि हामी केही समयमै रोडशो आयोजना गरी पूँजी संकलन कार्य अघि बढाउने प्रतिबद्धता जनाइएको छ । धितोपत्र बोर्डबाट धितोपत्र दर्ता तथा निष्कासन नियमावलीको दफा ९ लाई फण्डले माग गरेअनुसार सुधार गरी गैरआवासीय नेपालीलाई संरक्षित धितोपत्र निष्कासनमा थप सहजीकरण हुने विश्वास लिएकाे उल्लेख छ ।
