सम्पत्ति शुद्धीकरणको मुद्दामा सोमबार सुर्खेतबाट पौडेल पक्राउ परेपछि एमालेले यसबारे आधिकारिक धारणा बनाउन छुट्टाछुट्टै बैठक आह्वान गरेको हो। उपाध्यक्ष पौडेलको पक्राउविरुद्ध एमालेले राजनीतिक प्रतिवाद गर्ने तयारी समेत गरेको छ।
एमाले प्रतिनिधि सभाका प्रमुख सचेतक ऐन महरका अनुसार, समसामयिक विषय र पौडेल पक्राउ प्रकरणबारे छलफल गर्न एमाले संसदीय दलको बैठक आज (मंगलबार) दिउँसो २ बजे च्यासलस्थित पार्टी केन्द्रीय कार्यालयमा बस्दैछ।
त्यसैगरी, पार्टीको रणनीति तय गर्न आजै साँझ ६ बजे एमालेले सचिवालय बैठक समेत बोलाएको छ। पार्टी अध्यक्ष केपी शर्मा ओलीको निवास (गुण्डु) मा बस्ने उक्त बैठकमा मुलुकको पछिल्लो राजनीतिक अवस्था र उपाध्यक्ष पौडेलको गिरफ्तारीका विषयमा गम्भीर समीक्षा हुने बताइएको छ।
