स्याङ्जा जिल्लाको चापाकोटका स्थायी बासिन्दा रहेका गैरेलाई सञ्चालक समितिले संस्थाको आगामी कार्यदिशालाई थप मजबुत बनाउन जिम्मेवारी सुम्पेको हो । लघुवित्त क्षेत्रको सुदृढीकरणमा जोड दिने गैरेले बताएका छन् । “लघुवित्त क्षेत्रमा संस्थाको आर्थिक वृद्धि विकास गर्ने र लघुवित्तका सदस्यहरूले सहज रूपमा सेवा प्राप्त गर्ने वातावरण सिर्जना गर्ने मेरो मुख्य उद्देश्य रहनेछ,’’ उनले भने, संस्थालाई अझै उचाइमा पुर्याउन र ग्राहकवर्गको विश्वास जित्दै सरल एवं प्रभावकारी वित्तीय पहुँच विस्तार गर्न आफू सक्रिय रहने गैरेले बताएका छन् ।
बनेपामा केन्द्रीय कार्यालय रहेको आरम्भ चौतारी लघुवित्तले देशका विभिन्न स्थानमा शाखाहरू मार्फत वित्तीय सेवा प्रदान गर्दै आइरहेको छ। गैरेको प्रवेशसँगै संस्थाको संस्थागत सुशासन र व्यावसायिक विस्तारमा थप टेवा पुग्ने विश्वास लिइएको छ ।
