बैठकमा भएको सहमति अनुसार परराष्ट्र मन्त्रालमा माओवादीबाट नारायणकाजी श्रेष्ठ, अर्थमन्त्रालयमा बर्षमान पुन आउने पक्का भएको छ । यसअघिको गठबन्धन सरकारमा रहेका ऊर्जामन्त्री शक्ति बस्नेत र सञ्चार तथा सूचना प्रविधि मन्त्री रेखा शर्माले नयाँ गठबन्धन सरकारमा पनि दोहोरिने मौका पाएका छन ।
त्यस्तै एमालेबाट उपप्रधान तथा भौतिक पूर्वाधार मन्त्रीमा रघुवीर महासेठ बन्ने सहमति भएको छ । राजेन्द्र राई, ज्वालाकुमारी शाह, दामोदार भण्डारी, भगवती चौधरीलाई पनि एमालेले पुन: सरकारमा पठाउने भएको छ । विमला राई पौड्यालको ठाउँमा कपिलवस्तु १ बाट निर्वाचित बलराम अधिकारीलाई पठाइने भएको छ ।
त्यस्तै राष्ट्रिय स्वतन्त्र पार्टी (रास्वपा)बाट रबि लामिछाने उपप्रधान तथा गृह मन्त्री बन्ने भएका छन्।
रास्वपाले तीन मन्त्रालय पाउने बताइएको छ । त्यस्तै शिक्षा मन्त्रीमा सुमना श्रेष्ठ, युवा तथा खेलकुदमा विराजभक्त श्रेष्ठ आउने भएका छन । श्रममन्त्रीमा उपसभापति डोलप्रसाद अर्याल बन्ने पक्का भएको छ ।
यस अघिनै एमालेबाट पदम गिरी, रास्वपाबाट अर्याल र माओवादीबाट हितबहादुर तामाङ मन्त्री भइसकेको छन ।
