गत चैत २१ गत आफूलाई कार्यालय प्रवेशमा अवरोध गरेको विषयमा गुरागाईंले पाण्डेलाई स्पष्टीकरण सोधेका थिए । स्पष्टीकरणको जवाफ चित्त बुझ्दो नभएपछि निलम्बन गरिएको बताइएको छ । छानविन समिति गठन गरिएको बताइए पनि समितिका सदस्यहरुको नाम भने अहिलेसम्म सार्वजनिक गरिएको छैन ।
पुरानो वसपार्कमा निर्माणाधिन भ्यू टावरको विषयमा महानगर प्रमुख साह र प्रशासकीय अधिकृत गुरागाईं बीचको विवाद उत्कर्षमा छ । गुरागाईंको साटो अर्काे प्रशासकिय अधिकृत पठाइदिन मेयर बालेनले पटक पटक गरेको अनुरोधलाई संघीय सरकारले अस्विकार गर्दै आएको छ ।
मेयर बालेनले कार्यभार सम्हालेको केही समयपछि तत्कालिन महानगर प्रमुख थानेश्वर सापकोटालाई हटाएर पाण्डेलाई निमित्त प्रहरी प्रमुख बनाएका थिए । नियमअनुसार ६ महिनासम्म निमित्त दिन सकिने भए पनि पाण्डे करिब ३ वर्षदेखि निमित्त प्रमुख भएर काम चलाइरहेका छन् । मेयर साहबाहेक अरुलाई नटेर्ने र साहको आडभरोसामा पाण्डेले मनपरि गर्ने गरेको गुनासो पटक पटक उठ्ने गरेको छ ।
उनीमाथिको कारवाहीले मेयर साहलाई थप कमजोर बनाएको छ ।
स्मरणरहोस् गुरागाईमाथि मेयर बालेनले भ्रष्टाचारको आरोप लगाए पनि पुष्टि हुन भने सकेको छैन । तर, बालेनले कुनै पनि हालतमा गुरागाईलाई स्वीकार नगर्ने अडान लिएपछि उममेयर सुनिता डंगोलसहितका सबै जनप्रतिनिधिहरु मेयर बालेनको विरुद्ध उभिएका छन् । विवादकै कारण महानगर कार्यालय प्रवेश गर्ने क्रममा नगर प्रहरीले उनलाई अवरोध गरेको थियो । यसक्रममा भएको हुलहुज्जतको नेतृत्व नगरप्रहरी प्रमुख पाण्डेले नै गरेको ठहर गुरागाईंले गरेका छन् । यस विषयमा थप छानविनका लागि जाँचबुझ समिति बनाइएको हो ।
समितिले प्रतिवेदन नदिएसम्म बढीमा ६ महिना निलम्बनमा राखिएको प्रशासकीय अधिकृत गुरागाईंले पाण्डेलाई दिएको पत्रमा उल्लेख छ । छानबिन समितिका सदस्यहरूको नाम गोप्य राखिएको छ ।
