बैंकहरुले मंसिर १ महिनामा मात्रै ७ अर्ब ६३ करोड रुपैयाँ नाफा कमाएका छन्। कात्तिक अन्तिमसम्ममा २० अर्ब ७३ करोड रुपैयाँ नाफा कमाएका बैंकहरुले मंसिरसम्ममा २८ अर्ब बढी नाफा कमाएका हुन्।
- नबिल बैंकको नाफा सबैभन्दा धेरै
मंसिरसम्ममा नबिल बैंकले सबैभन्दा धेरै नाफा कमाएको छ। बैंकले पाँच महिनामा २ अर्ब ६९ रुपैयाँ नाफा कमाएको हो।
यस्तै ग्लोबल आइएमई बैंकले २ अर्ब ७३ करोड रुपैयाँ नाफा कमाएको छ भने नेपाल इन्भेष्टमेन्ट मेगा बैंकले २ अर्ब ६० करोड रुपैयाँ नाफा कमाएको छ।
प्राइम बैंकले १ अर्ब ९२ करोड रुपैयाँ नाफा कमाएको छ भने एनआइसी एशिया बैंकले १ अर्ब ८५ करोड र हिमालयन बैंकले १ अर्ब ८० करोड रुपैयाँ नाफा कमाएका छन्।
मंसिरसम्ममा कृषि विकास बैंकले सबैभन्दा कम १२ करोड रुपैयाँ नाफा कमाएको छ भने सिद्धार्थ बैंकले ६२ करोड र नेपाल एसबिआई बैंकले ७० करोड रुपैयाँ नाफा कमाएको छ।
