कारोबारमा आएपछि निरन्तर रुपमा बढेको उक्त लघुवित्तको शेयर आज बिहीबारको बजारमा प्रतिकित्ता एक हजार ४८६.६० रुपैयाँमा कारोबार भइरहेको छ । लघुवित्तको शेयर कारोबारमा आएदेखि ८० कारोबार दिनसम्म निरन्तर बढेको हो ।
सूचीकृत भएको तीन वर्षपछि दोस्रो बजारमा कारोबारमा आएको उक्त लघुवित्तको पहिलो कारोबार भने ७२ रुपैयाँ १० पैसामा भएको थियो । आईपीओमा खरिद गरेको भन्दा न्यून मूल्यमा कारोबार खुलेपछि लघुवित्तको शेयर बिक्री गर्न कोहि इच्छुक देखिएका थिएनन । पछिल्ला कारोबार दिनमा दैनिक सकारात्मक सर्किट लेबलमा बढेर कारोबार भइरहेको छ ।
