चालु आर्थिक वर्षको चैत मसान्तसम्ममा कम्पनीले १२ करोड ५ लाख रुपैयाँ नोक्सानी व्यहोरेको छ। गत आर्थिक वर्षको सोही अवधिसम्ममा कम्पनीले ८ करोड ६० लाख रुपैयाँ खुद नाफा कमाएको थियो।
गत असार महिनामा आएको बाढीका कारण आयोजनालाई क्षति पुर्याएकोले सो महिनादेखि आयोजना बन्द रहेको र पुन निर्माण तथा मर्मत कार्य भइरहेको हुँदा आम्दानी हुन नसकेका कारण कम्पनीले नोक्सानी व्यहोर्नु परेको हो। बाढीले आयोजनाको सिभिल संरचना सहित पावर हाउस लगायत इलेक्ट्रो मेकानिकल इक्यूपमेण्ट समेतमा क्षति पुर्याएको र आगामी असार मसान्तसम्ममा पुन मर्मत कार्य सक्ने कम्पनीले लक्ष्य लिएको छ। कम्पनीले यस त्रैमासमा आम्दानी लसको बीमा बापत दाबी गरिएको रकम मध्ये प्राप्त भएको ८ करोड रुपैयाँ अन्य आम्दानीमा लेखाङ्कन गरिएको वित्तीय विवरणमा उल्लेख छ।
९६ करोड २५ लाख रुपैयाँ चुक्ता पूँजी रहेको यस कम्पनीको जगेडा कोष १ करोड ७९ लाख रुपैयाँ ऋणात्मक रहेको छ।
