अघिल्लो आर्थिक वर्षको अन्त्यसम्ममा ७ करोड ९७ लाख रुपैयाँ विद्युत बिक्री आम्दानी गरेको यस कम्पनीले, गत आर्थिक वर्षको अन्त्यसम्ममा ३४ लाख ९२ हजार रुपैयाँ मात्र यस्तो आम्दानी गरेको छ। समीक्षा अवधिमा कम्पनीको यस्तो आम्दानी ९५.६२ प्रतिशत कम हो। कम्पनीको हेवाखोला साना जलविद्युत आयोजनामा २०८० असार २ गतेको बाढीले पूर्ण क्षति पुर्याएको र २०८१ असार २१ गतेदेखि मात्र निर्माण सम्पन्न गरी सञ्चालन भएको हुँदा विद्युत बिक्री आम्दानी घट्न पुगेको हो।
विद्युत बिक्री आम्दानीसँगै कम्पनीको खुद नाफा पनि घटेको छ। समीक्षा अवधिमा कम्पनीको खुद नाफा ९७.३१ प्रतिशत घटेर ३ लाख १ हजार रुपैयाँमा झरेको छ। समीक्षा अवधिमा कम्पनीको गैर सञ्चालन आम्दानी २९५.७७ प्रतिशत बढेको छ भने सञ्चालन मुनाफा २९.६५ प्रतिशत घटेको छ।
असार मसान्तसम्ममा कम्पनीको प्रतिशेयर आम्दानी ६ पैसा रहेको छ भने प्रतिशेयर नेटवर्थ १११ रुपैयाँ ४६ पैसा रहेको छ। ५३ करोड ५८ लाख रुपैयाँ चुक्ता पूँजी रहेको यस कम्पनीको जगेडा कोषमा ६ करोड १४ लाख रुपैयाँ सञ्चित छ।
