भारतकी अर्थमन्त्री निर्मला सीतारमणले सन् २०२० मा २ घण्टा ४२ मिनेट लामो बजेट भाषण गरेकी थिइन । जुन अहिलेसम्मको विश्व इतिहासकै सबैभन्दा लामो बजेट भाषण मानिन्छ ।
त्यस्तै सबैभन्दा छोटो बजेट भाषण सन् १९७७ मा भारतीय अर्थमन्त्री हिरुभाई मुल्जिभाई पटेलले दिएका थिए । उनको अन्तरिम बजेट भाषण जम्मा ८०० शब्दको थियो, जुन विश्व इतिहासकै सबैभन्दा छोटो बजेट भाषण हो । त्यसको लागि लामो भूमिका सहित उनले बढीमा १० मिनट खर्च गरेका थिए ।
पटेलले सार्वजनिक गरेको प्रधानमन्त्री इन्दिरा गान्धीले लगाएको संकटकाल असफल भएपछि मोरारजी देसाईको नेतृत्वमा बनेको नयाँ सरकारको अन्तरिम बजेट थियो । परिस्थिति विशेष भएकाले त्यतिबेलाको बजेट भाषण अत्यन्त संक्षिप्त र आवश्यक खर्च तथा राजस्व व्यवस्थापनमा केन्द्रीत थियो । उनले बजेट भाषणमा अधिकांश प्रावधानहरु पूर्व सरकारले लिएको नीतिहरुलाई समावेश गरिएको उल्लेख गर्दै केही नयाँ नीतिहरुको मात्र विश्लेषण गरेका थिए ।
