ग्राहकको सही विवरण नहुँदा सूचना दिन कठिनाइ भएपछि प्राधिकरणले अनलाइनबाटै केवाईसी भर्ने सुविधा ल्याएको हो। अब ग्राहकले घरमै बसेर https://kyc.nea.org.np पोर्टल प्रयोग गरी आफ्नो विवरण अद्यावधिक गर्न सक्नेछन्।
प्राधिकरणका कामु कार्यकारी निर्देशक दीर्घायूकुमार श्रेष्ठका अनुसार, यो प्रणाली लागू भएपछि ग्राहकले विद्युत् आपूर्ति सम्बन्धी जानकारीहरू समयमै प्राप्त गर्नेछन्। प्राधिकरणले यो सेवा पूर्णतः अनलाइन बनाएकाले ग्राहकहरूलाई विद्युत् महसुल केन्द्र वा कार्यालयसम्म जानुपर्ने बाध्यता नरहेको समेत स्पष्ट पारेको छ।
