गत आर्थिक वर्षको असार मसान्तसम्ममा कम्पनी १६ करोड ६६ लाख रुपैयाँ नोक्सानीमा रहेको छ। अघिल्लो आर्थिक वर्षको सोही अवधिसम्ममा कम्पनी २० करोड ९३ लाख रुपैयाँ नोक्सानीमा थियो।
विद्युत बिक्री आम्दानी र खुद सञ्चालन मुनाफा सामान्य बढेसँगै कम्पनीको नोक्सानी घट्न पुगेको हो।
समीक्षा अवधिमा कम्पनीको कुल सञ्चालन आम्दानी ०.०७ प्रतिशत बढेको छ भने खुद सञ्चालन मुनाफा ६.२३ प्रतिशत बढेको छ। कम्पनीको वित्तीय खर्च समीक्षा अवधिमा २.९६ प्रतिशत घटेको छ।
असार मसान्तसम्ममा कम्पनीको प्रतिशेयर आम्दानी ११ रुपैयाँ ११ पैसा ऋणात्मक रहेको छ भने प्रतिशेयर नेटवर्थ ६६ रुपैयाँ २ पैसा रहेको छ।
१ अर्ब ५० करोड रुपैयाँ चुक्ता पूँजी रहेको यस कम्पनीको अन्य इक्विटी ५० करोड ९७ लाख रुपैयाँ ऋणात्मक रहेको छ।
