कम्पनीले हकप्रद शेयर आह्वान गर्दा नबिकेको १ करोड ७० लाख १९ हजार ५ सय ३० कित्ता शेयर लिलामीमा राखेको थियो । पुस २९ गतेसम्म शिलबन्दी बोलपत्र आह्वान गरेकोमा बैंक खातामा मात्रै ७ अर्ब रुपैयाँ जम्मा भएको कम्पनीको धितोपत्र निष्काशन तथा बिक्री प्रबन्धक नागरिक लगानी कोषका पुँजी बजार उप निर्देशक नारायण घिमिरेले बताए । ‘गुड फर पेमेन्ट चेक बाहेक अपर तामाकोशीको लिलामी शेयरको लागि सो रकम जम्मा भएको हो ।’–उनले भने । लिलामीको लागि ३० हजारभन्दा बढीको आवेदन परेको छ ।
काठमाडौं बाहिरबाट आवेदन दिएको सबै आवेदन जम्मा भएपछि लिलामी खोलिने उनले बताए । उनले माघ १० गतेसम्ममा अपर तामाकोशीको लिलामी शेयर खुल्ला गरिने जानकारी दिए ।
