यस साता ५ कारोबार दिनमध्ये ३ कारोबार दिन नेप्से घटेको थियो भने दुई कारोबार दिन बढेको थियो। यस साता सोमबार र मंगलबार नेप्से परिसूचक बढेको थियो।
यस साता सेन्सेटिभ इण्डेक्स २.२० प्रतिशत घटेको छ भने फ्लोट इण्डेक्स २.०५ प्रतिशत र सेन्सेटिभ फ्लोट इण्डेक्स २.४४ प्रतिशत घटेको छ।
नेप्सेसँगै यस साता दैनिक औषत भोल्यूम पनि घटेको छ। गत साता दैनिक औषतमा ३ अर्ब ८ करोडको शेयर खरिदबिक्री भएको बजारमा यस साता २ अर्ब ३२ करोडको मात्र शेयर कारोबार भएको छ। गत साताको तुलनामा यस साताको दैनिक औषत भोल्यूम २४.७१ प्रतिशत घटेको हो। त्यस्तै, यस साता दैनिक औषत शेयर संख्या २८.०९ प्रतिशत घटेको छ भने दैनिक औषत कारोबार संख्या ३४.७८ प्रतिशत घटेको छ।
यस साता नेप्सेको कुल बजार पूँजीकरण पनि १.६९ प्रतिशत घटेको छ। गत साताको अन्तिम कारोबार दिन ३१ खर्ब ५३ अर्ब रुपैयाँ रहेको नेप्सेको कुल बजार पूँजीकरण, यस साता ५३ अर्ब रुपैयाँ घटेर ३० खर्ब ९९ अर्ब रुपैयाँमा झरेको छ।
१३ उपसमूहमध्ये यस साता २ उपसमूहको परिसूचक बढेको छ भने ११ उपसमूहको परिसूचक घटेको छ। यस साता उत्पादन तथा प्रशोधन र व्यापार उपसमूहको परिसूचक बढेको हो। यस साता उत्पादन तथा प्रशोधन उपसमूहको परिसूचक सर्वाधिक ११.७७ प्रतिशत बढेको छ भने व्यापार उपसमूहको परिसूचक ४.१८ प्रतिशत बढेको छ।
यस साता जलविद्युत उपसमूहको परिसूचक सर्वाधिक ४.०६ प्रतिशत घटेको छ। अंकका आधारमा भने यस साता जीवन बीमा उपसमूहको परिसूचक सर्वाधिक २१३.३२ अंक घटेको छ।
नेप्सेमा यस साता ८ कम्पनीको २ करोड ११ लाख ३४ हजार ७४३.२४ कित्ता शेयर सूचीकृत भएको छ। यस साता शाइन रेसुङ्गा डेभलपमेन्ट बैंक, शिवम् सिमेन्ट्स, नेपाल इन्स्योरेन्स, राधी विद्युत कम्पनी, हाथवे इन्भेष्टमेन्ट, सिटिजन लाइफ इन्स्योरेन्स र फस्ट माइक्रोफाइनान्स लघुवित्तको बोनस शेयर नेप्सेमा सूचीकृत भएको हो। त्यस्तै, यस साता नबिल बैंकको ऋणपत्र पनि नेप्सेमा सूचीकृत भएको हो।
यस साता बोटलर्स नेपाल (बालाजु) को शेयरमूल्य सर्वाधिक ६१.०५ प्रतिशत बढेको । त्यस्तै, यस साता मनकामना स्मार्ट लघुवित्तको शेयरमूल्य १७.३४ प्रतिशत बढेको छ भने बोटलर्स नेपाल (तराई) को शेयरमूल्य १७.०४ प्रतिशत बढेको छ। कारोबारमा आएको समाज लघुवित्तको शेयरमूल्य भने यस साता सर्वाधिक २०.९३ प्रतिशत घटेको छ। त्यसैगरी, यस साता मोलुङ्ग हाइड्रोपावर कम्पनीको शेयरमूल्य १९ प्रतिशतभन्दा बढी घटेको छ भने जोशी हाइड्रोपावरको शेयरमूल्य करिब १५ प्रतिशत घटेको छ।
फ्लोरसिट विश्लेषण गर्दा यस साता सिवाईसी लघुवित्त, गुराँस लघुवित्त लगायतका स्टकहरु मोस्ट पपुलर बाइ स्टक सूचीको शीर्ष स्थानमा रहेका छन् भने चन्द्रागिरी हिल्स, एशियन लाइफ इन्स्योरेन्स लगायतका स्टकहरु मोस्ट पपुलर सेल स्टक सूचीको शीर्ष स्थानमा रहेका छन्।