चालु आर्थिक वर्षको चैत्र महिनासम्ममा हाइड्रोपावर ३ करोड ६ लाख रुपैयाँ नोक्सानीमा छ । गत आर्थिक वर्षको यसै अवधिसम्ममा कम्पनी ४ करोड ८८ लाख नोक्सानीमा थियो ।
कम्पनीको विद्युत बिक्री आम्दानी बढ्दा र वित्तीय खर्चमा संकुचन आउदा नोक्सानी घटेकाे हो ।
समीक्षा अवधि कम्पनीले विद्युत बिक्रीबाट ९ करोड ५८ लाख रुपैयाँ आम्दानी गरेको छ । गत वर्षकाे यसै अवधिसम्ममा कम्पनीले विद्युत बिक्रीमार्फत ९ करोड ४३ लाख रूपैयाँ आम्दानी गरेको थियो । त्यसैगरी, कम्पनीको वित्तीय खर्च घटेको छ । यो ९ महिनाको अवधिमा कम्पनीको वित्तीय खर्च ६ करोड ६४ लाख रुपैयाँ छ । गत वर्ष यस्ताे खर्च ८ करोड १७ लाख रुपैयाँ थियो । बैंक तथा वित्तीय संस्थाको ब्याजदरमा कमी हुँदा कम्पनीको वित्तीय खर्च कम भएको हो ।
कम्पनीको जगेडा कोष ४ करोड ७२ लाख रुपैयाँ ऋणात्मक छ । सार्वजनिक भएको वित्तीय विवरण अनुसार कम्पनीको प्रतिशेयर आम्दानी ९ रुपैयाँ ०३ पैसा घाटामा छ भने प्रतिशेयर नेटवर्थ ८६ रुपैयाँ ११ पैसा छ ।
